Проекти

Во рамките на овој проект се креираше база на отворени податоци која што претставува основа за поддршка на активности на граѓанските организации и веродостоен ресурс за истражувачките новинари.

Општа цел на проектот е поттикнување и развој на квалитетно истражување преку зајакнување на соработката помеѓу граѓанските здруженија и новинарите како придонес кон подобро информирана јавност во Република Македонија, а специфична цел е обезбедување на можност за поврзување на граѓанските организации и истражувачките новинари во насока на квалитетно истражување преку пристап до веродостојни извори на информации за креирање на база на отворени податоци за подобрување на истражувачкото новинарско известување и поддршка за активности на граѓанските организации. 

Проектот е регрантиран во рамки на проектот „Истражувачко новинарство за поттикнување реформи“ спроведуван од Центар за граѓански комуникации, НВО Инфоцентар и BIRN Македонија, финансиран од ЕУ.

Целта на проектот е зајакнување на капацитетите на граѓанските организации и одделенијата за животна средина општините од Југоисточен плански регион за транспонирање и спроведување на ЕУ 2020 пакетот за клима и енергија, како и воспоставување на мрежа на граѓански организации за информирање и следење на политиките од аспект на заштита на животната средина. Со проектот се воспоставија механизми за одржливо партнерство меѓу граѓанските организации и локалните власти во поглед на спроведување на ЕУ 2020 пакетот за клима и енергија, учество на јавноста во постапките за заштита на животната средина за постигнување на одржлив развој на Југоисточен плански регион. Во рамките на проектот беше изработена публикација „ОВЖС и СОЖС постапки во Југоисточен плански регион“  со цел да ја претстави состојбата со процедурите на ОВЖС и СОЖС во Југоисточен плански регион од аспект на учество на јавност во процесот на одлучување во врска со животната средина, националните и меѓународните легислативи во однос на клима и енергија, како и да направи осврт на препораки и механизми за планирање и спроведување на истите.

Проектот е поддржан од Милиеконтакт Македонија, Коцка и Фронт 21/42 во рамки на проектот „Зајакнати граѓански организации за партиципативно транспонирање и спроведување на ЕУ 2020 пакетот за клима и енергија“ финансиран од Европската Унија.

ПОЛИМАТ 13 успешно го реализираше проектот Зајакнување на граѓанското движење во општина Богданци чија цел е јакнење на капацитетите на граѓанските организации и земјоделските задруги за нивно активно учество во процесите на донесување одлуки и креирање политики, како и промовирање на можностите за соработка на граѓанските организации со локалната самоуправа. Во текот на проектот беа спроведени работилници за изработка на стратешко и годишно планирање и обуки за проектно планирање за три организации: НВО Круг, ФА Мегдан и ЗЗ Агро-Богданци. Со форумот за подобрување на комуникацијата и соработката на организациите со локалната самоуправа на кој беа присутни претставници од организациите и општинската администрација се заокружија активностите кои беа предвидени. Проектот беше реализиран со финансиска поддршка од Општина Богданци. 

Проектна цел е промоција на пчеларството како гранка која дава позитивен придонес кон заштита на животната средина преку проширување на флората и создавање на еколошки баланс во природата.

Проектната иницијатива Биди пчелар! која ја реализираа организациите ПОЛИМАТ 13 од Богданци и АГРО – ВИНКА од Виница има за цел да ги афирмира потенцијалите за развој на пчеларството и соработка на чинителите од различни региони преку охрабрување на иницијативи во општините Виница и Богданци за одржливо искористување на природните ресурси за развој на пчеларството и поттикнување на соработка помеѓу одгледувачите на пчели преку размена на искуства, знаења и вештини.
Проектната иницијатива е поддржана од Проектот на УСАИД за адаптација на земјоделството кон климатските промени спроведуван од Мрежата за рурален развој на РМ и ќе придонесе кон подобрување на капацитетите на организациите членки на МРР и создавање партнерства за понатамошна заедничка реализација на активности од областа на руралниот развој.

Здружението на граѓани ПОЛИМАТ 13 од Богданци во соработка со Македонското еколошко друштво (МЕД) од Скопје, во текот на 2016 година спроведуваше активности за промовирање на растителниот диверзитет во Значајното растително подрачје „Богданци“ и мониторинг на ендемичното растение Astaragalus physocalyx, неговото живеалиште, бројност на популација и потенцијални закани. Проектот има за цел да го афирмира растителниот диверзитет на одредени подрачја од Македонија преку вклучување на македонските граѓани како волонтери за заштита на природата и преземање акции кои би придонеле кон имплементација на ЕУ регулативите за зачувување на мрежата Натура 2000. 

Раководители на проектот на меѓународно ниво се Plantlife, невладина организација од Велика Британија и Меѓународната унија за заштита на природата (IUCN).  Во текот на 2016 година, сите партнери преземаа активности за заштита на растенијата во склоп на 20 значајни растителни подрачја (ЗРП) во шест земји (Мароко, Алжир, Либан, Црна Гора, Турција и Македонија) кои вклучуваат голем број заинтересирани граѓани, здруженија, истражувачки институции и други. 

• Мониторинг и мапирање на ендемичното растение Astragalus physocalyx кое е засегнато на глобално ниво;
• Организирање на локални настани за афирмација и промоција на растителниот диверзитет во Богданци со фокус на ендемичното растение Astragalus physocalyx;
• Организирање на презентации и посети во природа на учениците од основните и средните училишта од Богданци.

Проектот на УСАИД Општински стратегии за климатски промени беше спроведуван од Милиеуконтакт Македонија во партнерство со Општина Богданци, Мрежа за рурален развој на РМ и ПОЛИМАТ 13. Во рамките на проектот беше изготвена Стратегија за климатски промени на општина Богданци 2014-2020 чија цел е да допринесе кон поголема отпорност на климатските промени со подобрување на подготвеноста и способноста за реагирање на влијанието на климатските промени на локално ниво. Реализацијата на овој проект се спроведе преку методот на Зелена агенда, кој е партиципативен метод за креирање и имплементирање на локални развојни стратегии и планови. 

Со цел градење на капацитети беа одржани тренинзи и предавања за да локалното население активно се вклучи во самиот процес и имплементација на активностите.

Во рамките на Стратегијата за климатски промени на општина Богданци 2014-2020 изготвени се два многу важни документи – Климатски профил на општина Богданци и Инвентар на стакленички гасови, документ со кој се лоцирани изворите на причинителите на стакленички гасови во општина Богданци.

Како важна компонента на процесот на Зелена агенда се имплементација на итна акција и пилот проект, кои претставуваат приоритет за самото население и општо добро за целата заедница. Во општина Богданци беа реализирани итната акција  со која се постави изолација на кровниот покривач на детската градинка Коста Поп Ристов Делчев со која се подобрија условите за престој на дечињата од оваа градинка. Со пилот проектот кој беше спроведен во текот на реализацијата на проектот се подобри водоснабдувањето во Богданци со изградба на нов резервоар за питка вода од 500 м3.